નાંધઈ શાળામાં શિક્ષકદિન અને મટકી ફોડ કાર્યક્રમની ઉત્સાહભેર ઉજવણી: પર્યાવરણ જતન અને સન્માનનો ત્રિવેણી સંગમ

 નાંધઈ શાળામાં શિક્ષકદિન અને મટકી ફોડ કાર્યક્રમની ઉત્સાહભેર ઉજવણી: પર્યાવરણ જતન અને સન્માનનો ત્રિવેણી સંગમ

ખેરગામ તાલુકાના નાંધઈ પ્રાથમિક શાળા ખાતે ૫ સપ્ટેમ્બર ૨૦૨૬, શનિવારના રોજ શિક્ષકદિન તેમજ શ્રાવણી પર્વ નિમિત્તે મટકી ફોડ કાર્યક્રમનું ભવ્ય અને ઉત્સાહવર્ધક આયોજન કરવામાં આવ્યું હતું. આ સમગ્ર કાર્યક્રમમાં શાળાના બાળકો અને શિક્ષકોએ ભારે ઉત્સાહપૂર્વક ભાગ લીધો હતો.

**બાળકો બન્યા શિક્ષકો: શૈક્ષણિક કાર્યમાં ઉત્સાહ**

શિક્ષકદિન નિમિત્તે સવારે ૮:૦૦ થી ૧૦:૩૦ કલાક દરમિયાન વિશેષ શૈક્ષણિક આયોજન કરવામાં આવ્યું હતું. જેમાં શાળાના બાળકોએ પોતે શિક્ષક અને આચાર્ય બની શાળાનો વહીવટ તેમજ શિક્ષણ કાર્ય સંભાળ્યું હતું. વર્ગખંડમાં બાળ-શિક્ષકોએ ખૂબ જ આત્મવિશ્વાસ સાથે પોતાના સહાધ્યાયીઓને અભ્યાસ કરાવ્યો હતો. આ તકે શાળા તરફથી ભાગ લેનાર તમામ બાળ-શિક્ષકો માટે પૌષ્ટિક નાસ્તાની સુંદર વ્યવસ્થા કરવામાં આવી હતી.

**મટકી ફોડ સ્પર્ધા અને પ્રસાદ વિતરણ**

સવારે ૧૦:૩૦ કલાક બાદ શ્રાવણી ઉત્સવના ભાગરૂપે મટકી ફોડનો કાર્યક્રમ યોજાયો હતો. જેમાં છોકરાઓ અને છોકરીઓ માટે અલગ-અલગ મટકીની વ્યવસ્થા કરવામાં આવી હતી. બાળકોએ ઉત્સાહભેર ભાગ લઈ મટકી ફોડીને કાનુડાના પર્વને મનભરીને માણ્યો હતો. મટકી ફોડ બાદ તમામ બાળકોને ચોકલેટ તેમજ પંજરીનો પ્રસાદ વહેંચવામાં આવ્યો હતો.

**SBI ખેરગામ દ્વારા વૃક્ષારોપણ અને સન્માન**

આ પ્રસંગે SBI ખેરગામ તરફથી પણ વિશેષ સહયોગ સાંપડ્યો હતો. સંસ્થા દ્વારા શાળાને ૧૫ જેટલા ફળાઉ છોડના રોપા અર્પણ કરવામાં આવ્યા હતા, જેનું શાળા કેમ્પસમાં રોપણ કરી પર્યાવરણ જતનો સંદેશ આપવામાં આવ્યો હતો. આ ઉપરાંત, SBI ખેરગામ દ્વારા શાળાના તમામ બાળકોને ચોકલેટ આપાઈ હતી તેમજ શાળાના તમામ શિક્ષકોને ડાયરી ભેટ આપીને તેમનું આદરપૂર્વક બહુમાન કરવામાં આવ્યું હતું.

આ સમગ્ર આયોજનથી બાળકોમાં શિસ્ત, નેતૃત્વ અને સંસ્કારના ગુણો ખીલવાની સાથે વાતાવરણ આનંદમય બન્યું હતું.